Employment Office

 பின்னால் செல்லவும்

வேலைவாய்ப்பு அலுவலகம்


தலைமை அலுவலர் மற்றும் பதவி

:

மாவட்ட வேலைவாய்ப்பு அலுவலர்

விலாசம்

:

அரசினர் தொழிற்பயிற்சி நிலைய வளாகம்,

கோரம்பள்ளம்

தூத்துக்குடி

தொலைபேசி எண்

:

0461 – 2340159

எல்கை
           
            அரசு ஆணை எண் 266 தொழிலாளர் மற்றும் வேலைவாய்ப்பு நாள் 17.10.1986ன்படி தூத்துக்குடி நகரை தலைமையிடமாக கொண்டு 18.10.1986 முதல் மாவட்ட வேலைவாய்ப்பு அலுவலகமாக செயல்பட்டு வருகிறது. இதற்கு முன்னர் திருநெல்வேலியை தலைமையிடமாக கொண்டு 1973 முதல் துணை வேலைவாய்ப்பு  அலுவலகமாகச் செயல்பட்டு வந்த்து.

 

தூத்துக்குடி மாவட்ட வேலைவாய்ப்பு அலுவலகம் கீழ்க்கண்ட தாலுகாக்களை உள்ளடக்கியதாகும்.

  1. தூத்துக்குடி
  2. ஓட்டப்பிடாரம்
  3. விளாத்திகுளம்
  4. கோவில்பட்டி
  5. ஸ்ரீவைகுண்டம்
  6. சாத்தான்குளம்
  7. திருச்செந்தூர்
  8. எட்டயாபுரம்

 

மேலும் இவ்வலுவலக எல்கைக்குள் 1 மாநகராட்சி, 2 நகராட்சிகள்  மற்றும் 12 ஊராட்சி ஒன்றியங்களை உள்ளடக்கியதாகும்.

இவ்வலுவலகத்தில் பொதுவாக வேலைவாய்ப்பு தேடி வரும் மனுதார்களை பதிவு செய்தல், பதிவு புதுப்பித்தல், பணியமர்த்தல், வேலைவாய்ப்பற்றவர்களுக்கு உதவித் தொகை வழங்குதல், தொழில்நெறி வழிகாட்டும் நிகழ்ச்சிகள் மற்றும் பல்வகையான போட்டித் தேர்வு எழுதுபவர்களுக்கு பயிற்சி வகுப்புகள் நடத்துதல் போன்ற பணிகள் நடைபெற்று வருகிறது.

மாற்றுத் திறனாளிகளுக்கான சிறப்பு பிரிவு

            அரசு ஆணை எண் 228 வேலைவாய்ப்பு பணிகள் நாள் 25.08.1991ன்படி தூத்துக்குடி மாவட்டத்திலுள்ள மாற்றுத் திறனாளிகளுக்கான சிறப்பு பிரிவு ஒன்று 22.11.1991 முதல் செயல்பட்டு வருகிறது. மாற்றுத்திறனாளிகளை பதிவு செய்தல், பணியமர்த்தல் மற்றும் உதவித்தொகை வழங்குதல் இப்பிரிவின் முக்கிய பொறுப்பாகும்.

 

வேலைவாய்ப்பற்ற  மாற்றுத் திறனாளிகளுக்கான  உதவித்தொகை  திட்டம்

            அரசு ஆணை எண் 43 சமூக நலம் மற்றும் ஊட்டச்சத்து திட்டத்துறை நாள் 24.02.2010ன்படி இவ்வலுவலகத்தில் பதிவு செய்து ஓராண்டு முடிவு பெற்ற மாற்றுத் திறனாளிகளுக்கு கீழ்க்கண்டவாறு 10 வருடங்களுக்கு உதவித் தொகை வழங்கப்பட்டு வருகிறது.

                   மாதம் ஒன்றுக்கு

  1. பட்டதாரிகள்                              ரூ.450/-
  2. மேல்நிலைப்பள்ளி வகுப்பு          ரூ.375/-
  3. பள்ளியிறுதி வகுப்பு  மற்றும் அதற்கு கீழ் 300

வயதுவரம்பு

     பொ.வ/ பி.வ/ மி.பி.வ    - 40 வயது
தா.வ / ப.கு                         - 45 வயது

இவர்களுக்கு குடும்ப வருமானத்தில் உச்ச வரம்பு கிடையாது. தகுதியுள்ள மனுதார்கள் இவ்வலுவலகத்தில் நேரடியாக மனுச் செய்யலாம். அதற்கான விண்ணப்ப படிவங்களை இவ்வலுவலகத்தில் இலவசமாகவோ அல்லது www.tnvelaivaippu.gov.in என்ற இணையதளத்திலிருந்து இறக்கம் செய்தோ பெறலாம். உதவித் தொகை பயன்தார்கள் ஏதாவது ஒரு தேசியமயமாக்கப்பட்ட வங்கியில் துவக்கப்பட்ட சேமிப்பு கணக்கில் ECS மூலம் பட்டுவாடா செய்யப்படும்.

வேலைவாய்ப்பற்றோர் உதவித் தொகை திட்டம்

            அரசு ஆணை எண் 72 தொழிலாளர் மற்றும் வேலைவாய்ப்புத் துறை (ஆர்2) நாள் 25.08.2006ன்படி இவ்வலுவலகத்தில் பதிவு செய்து  5 வருடங்கள் முடிவு பெற்ற வேலைவாய்ப்பற்ற மனுதார்களுக்கு கீழ்க்கண்டவாறு  3 வருடங்களுக்கு உதவித்தொகை வழங்கப்படுகிறது.

  1.       பட்டதாரிகள்                             மாதம் ஒன்றுக்கு ரூ.300/-
  2.       மேல்நிலைப்பள்ளி வகுப்பு                            ”        ரூ.200/-
  3.       பள்ளியிறுதி வகுப்பு தேறியவர்கள்                ”          ரூ.150/-
  4.       பள்ளியிறுதி வகுப்பு தவறியவர்கள்          ”          ரூ.100/-

 

வயது வரம்பு

  1. தா.வ / ப.கு                     – 45 வயது
  2. பி.ப / மிபிவ/ பொ.வ       - 40 வயது

 

ஆண்டு குடும்ப வருமானம் ரூ.50000/-க்கு மிகாமல் இருத்தல் வேண்டும். தகுதியுள்ள மனுதார்கள் வருவாய் ஆய்வாளரிடமிருந்து உரிய சான்றுடன் இவ்வலுவலகத்தில் நேரில் மனுச் செய்தல் வேண்டும்.

            இவர்களுக்கு குடும்ப வருமானத்தில் உச்ச வரம்பு கிடையாது. தகுதியுள்ள மனுதார்கள் இவ்வலுவலகத்தில் நேரடியாக மனுச் செய்யலாம். அதற்கான விண்ணப்ப படிவங்களை இவ்வலுவலகத்தில் இலவசமாகவோ அல்லது www.tnvelaivaippu.gov.in என்ற இணையதளத்திலிருந்து இறக்கம் செய்தோ பெறலாம். உதவித் தொகை பயன்தார்கள் ஏதாவது ஒரு தேசியமயமாக்கப்பட்ட வங்கியில் துவக்கப்பட்ட சேமிப்பு கணக்கில் ECS மூலம் பட்டுவாடா செய்யப்படும்.

 

புள்ளி விபரங்கள்
பதிவுகள்

            31.03.2013 முடிவான காலத்தில் தூத்துக்குடி மாவட்ட வேலைவாய்ப்பு அலுவலகத்தில் 2,04,051 மனுதார்கள் வேலைவாய்ப்பு வேண்டி தங்களது கல்வித் தகுதிகளைப் பதிவு செய்து, இவ்வலுவலக உயிர்ப்பதிவேட்டில் காத்திருக்கிறார்கள். 2012ம் ஆண்டில் மட்டும் 38672 மனுதார்கள் பதிவு செய்துள்ளனர்.

பணி கிடைத்தோர் விவரம்

            01.01.2013 முதல் 31.03.2013 வரையான காலத்தில் இவ்வலுவலகம் மூலமாக 84 பதிவுதார்கள் பொதுத் துறை நிறுவனங்களில் பணி கிடைக்கப் பெற்று பணிபுரிந்து வருகின்றனர்.

இளைஞர் வேலைவாய்ப்புப் பணி மற்றும் வேலைவாய்ப்பு ஆலோசனை திட்டம்

            இவ்வலுவலகத்தில் தொழில்முறை வழிகாட்டும் பிரிவு ஒன்று வேலைவாய்ப்பற்ற இளைஞர்களுக்கு வழிகாட்டுதலுக்காக செயல்பட்டு வருகிறது. இதனை மாவட்ட வேலைவாய்ப்பு அலுவலர் (இவேப) செயல்படுத்தி வருகிறார். இவ்வலுவலகத்திற்கு பதிவு செய்ய வரும் பதிவுதார்களுக்கு தொழில்நெறி வழிகாட்டுதல், தாழ்த்தப்பட்ட வகுப்பின / பழங்குடியின மனுதார்களுக்கும், முன்னாள் இராணுவத்தினரைச் சார்ந்தோருக்கும், சிறப்பு வழிகாட்டல் பணி செய்தல் ஆகியன இவ்வலுவலரின் சிறப்புப் பணிகளாகும்.

 

தனியார் நிறுவனங்களில் பணியமர்த்தம் செய்தல்

            அரசு வேலைவாய்ப்பு வேண்டி பதிவு செய்துள்ள அனைத்து மனுதார்களுக்கும் அரசுப் பணி கிடைக்க வாய்ப்பில்லை. எனவே, தனியார் நிறுவனங்களில் பணியமர்த்தும் வேலைவாய்ப்புச் சந்தை எனும் வேலையளிப்போர், வேலை வேண்டுவோரைச் சந்திக்க வைக்கும் நிகழ்ச்சி ஒவ்வொரு மாதமும் இவ்வலுவலகத்தில் நடத்தப்படுகிறது.

 

தன்னார்வ பயிலும் வட்டம்

            அரசாணை (நிலை) எண் 106 தொழிலாளர் மற்றும் வேலைவாய்ப்புத் துறை நாள் 20.07.1999ன்படி தூத்துக்குடி மாவட்ட வேலைவாய்ப்பு அலுவலகத்திலும், இம்மாவட்டத்தில் உள்ள அனைத்து ஊராட்சி ஒன்றிய அலுவலகங்களிலும் தன்னார்வ பயிலும் வட்டங்கள் தோற்றுவிக்கப்பட்டு, வேலை தேடும் இளைஞர்களுக்கு பல்வேறு போட்டித் தேர்வுக்கான பயிற்சிகள் அளிக்கப்பட்டு வருகிறது. இதற்கென புத்தகங்கள் / படிப்பு பொருட்கள் வாங்குவதற்கென ஒவ்வொரு மாதமும் ஊராட்சி ஒன்றியம் ஒவ்வொன்றிற்கும் ரூ.1000/- வீதமும் மாவட்ட வேலைவாய்ப்பு அலுவலகத்தில் செயல்படும் தன்னார்வ பயிலும் வட்டத்திற்கு ரூ.5000/-ம் அரசால் செலவிடப்படுகிறது. இம்மையங்களில் போட்டித் தேர்வுக்கு விண்ணப்பித்துள்ள மனுதார்களுக்கென வல்லுநர்களைக் கொண்டு சிறப்புப் பயிற்சி வகுப்புகள் நடத்தப்படுகிறது.

 

வேலை நிலவரத் தகவல் பிரிவு

     இம்மாவட்டத்தில் உள்ள பொதுத்துறை மற்றும் தனியார் துறை நிறுவனங்கள், அவற்றில் பணிபுரியும் பணியாளர் விவரங்களை சேகரித்து மத்திய அரசின் திட்டமிடல் பணிக்கு உதவுதல் இப்பிரிவின் பணியாகும்.

     இப்பணி மாவட்ட வேலைவாய்ப்பு அலுவலர் (பொது) அவர்களின் தலைமையின் கீழ் செயல்படுத்தப்பட்டு வருகிறது. இம்மாவட்டத்தில் இதற்கென 415 பொதுத் துறை நிறுவனங்களும், 830 தனியார் துறை நிறுவனங்களும் ஆய்வில் உள்ளது.

 

மாவட்ட வேலைவாய்ப்பு அலுவலர்,

தூத்துக்குடி


அமைப்பு வெளியீடு - மாவட்ட ஆட்சியர் தூத்துக்குடி